കോട്ടോപ്പാടം : കല്ലടി അബ്ദുഹാജി ഹയര്‍ സെക്കന്‍ഡറി സ്‌കൂളും, മണ്ണാര്‍ക്കാട് റോട്ടറി ക്ലബ്ബും സംയുക്തമായി ഹൈ സ്‌കൂള്‍, ഹയര്‍ സെക്കന്ററി വിദ്യാര്‍ഥികള്‍ക്കായി സംഘ ടിപ്പിച്ച ജില്ലാ തല സ്വാതന്ത്ര്യ സമര ക്വിസ് മത്സരം മണ്ണാര്‍ക്കാട് ബ്ലോക്ക് പഞ്ചായത്ത് പ്രസിഡന്റ് വി.പ്രീത ഉദ്ഘാടനം ചെയ്തു. സ്‌കൂള്‍ പ്രിന്‍സിപ്പല്‍ എം.പി സാദിക്ക് അധ്യ ക്ഷനായി. റോട്ടറി ക്ലബ് പ്രസിഡന്റ് മനോജ് ചന്ദ്രന്‍ മുഖ്യാതിഥിയായി. ജില്ലയിലെ വി വിധ സ്‌കൂളുകളില്‍ നിന്നായി 26 പേര്‍ പങ്കെടുത്തു. അസിസ്റ്റന്റ് ഗവര്‍ണര്‍ വി. വിശ്വ നാഥന്‍, സി.പി വിജയന്‍, എം.പി ഷംജിത് , സി.കെ ജയശ്രീ, എ.ശ്യാംകുമാര്‍, ഫസീല അബ്ബാസ്, ബാബു ആലായന്‍, അയ്യപ്പദാസന്‍, ഹബീബ് റഹ്മാന്‍, നൗഫല്‍, ഐസക് ജോബ്, ദിവ്യ, മുഹമ്മദ് സലിം, അനൂപ്, ഗിരീഷ്, ടി.ജംഷീ, പി.മന്‍സൂര്‍, ജസീന നൗഷാദ് എന്നിവര്‍ സംസാരിച്ചു. കടമ്പൂര്‍ ജി.എച്ച്.എസ്.എസിലെ വി. ശ്രീഹരി ഒന്നാം സമ്മാനം നേടി. കല്ലടി എച്ച്.എസ്.എസിലെ ടി. ഷിബില, അലനല്ലൂര്‍ ജി.വി.എച്ച്.എസ്.എസിലെ എന്‍. അഭിനവ് എന്നിവര്‍ രണ്ടും മൂന്നും സ്ഥാനങ്ങള്‍ നേടി. വിജയികള്‍ക്ക് ക്യാഷ് അവാര്‍ഡും, ട്രോഫിയും വിതരണം ചെയ്തു.
