മണ്ണാര്‍ക്കാട് : പാലക്കാട് ജില്ലയിലെ സര്‍ക്കാര്‍/സ്വാശ്രയ പോളിടെക്‌നിക് കോളെജു കളിലേക്ക് നിലവില്‍ ഒഴിവുള്ള റെഗുലര്‍ സീറ്റുകളിലേക്ക് ജൂലൈ 22 മുതല്‍ 25 വരെ പാലക്കാട് സര്‍ക്കാര്‍ പോളിടെക്‌നിക് കോളെജിലെ അഡ്മിനിസ്‌ട്രേറ്റീവ് ബ്ലോക്കില്‍ വച്ച് കൗണ്‍സിലിങ് നടത്തും. ജൂലൈ 22ന് രാവിലെ ഒമ്പതിന് 10000 റാങ്ക് വരെ, രാവിലെ 10.30ന് 20000 റാങ്ക് വരെ, ജൂലൈ 23ന് രാവിലെ ഒമ്പതിന് 25000 റാങ്ക് വരെ, രാവിലെ 10.30ന് 30000 റാങ്ക് വരെ, ജൂലൈ 24ന് രാവിലെ ഒമ്പതിന് 35000 റാങ്ക് വരെ, രാവിലെ 10.30ന് 45000 റാങ്ക് വരെ, ജൂലൈ 25ന് രാവിലെ ഒമ്പതിനും രാവിലെ 10.30നും റാങ്ക് ലിസ്റ്റിലെ എല്ലാവര്‍ക്കും എന്നിങ്ങനെയാണ് കൗണ്‍സിലിങ് ഷെഡ്യൂള്‍. ഓണ്‍ലൈന്‍ രജിസ്‌ട്രേഷന്‍ നടത്തി രജിസ്‌ട്രേഷന്‍ സ്ലിപ് സഹിതം ഹാജരാകണം. അഡ്മിഷന്‍ ലഭിക്കുന്ന വിദ്യാര്‍ഥികള്‍ എല്ലാ അസ്സല്‍ സര്‍ട്ടിഫിക്കറ്റുകളും ഫീസുമായി എത്തണം. അഡ്മിഷന്‍ സമയത്ത് രക്ഷിതാവിനെ കൂടെകൊണ്ടുവരേണ്ടതാണെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0491 2572640.
