മണ്ണാര്‍ക്കാട് : എം.ഇ.എസ്. ഹയര്‍ സെക്കന്‍ഡറി സ്‌കൂളില്‍ എസ്.എസ്.എല്‍.സി, പ്ലസ്ടു പരീക്ഷകളില്‍ മുഴുവന്‍ വിഷയങ്ങളിലും എപ്ലസ് നേടിയ വിദ്യാര്‍ഥികളേയും എന്‍.എം. എം.എസ് പരീക്ഷയില്‍ മികച്ച വിജയം നേടിയ വിദ്യാര്‍ഥികളെ അനുമോദിച്ചു. വിജ യോത്സവം എന്‍.ഷംസുദ്ദീന്‍ എം.എല്‍.എ. ഉദ്ഘാടനം ചെയ്തു. നഗരസഭാ ചെയര്‍മാന്‍ സി.മുഹമ്മദ് ബഷീര്‍ വിജയികള്‍ക്ക് ഉപഹാരങ്ങള്‍ നല്‍കി. ചടങ്ങില്‍ പ്ലസ് വണ്‍ വിദ്യാര്‍ഥിനി ഫാത്തിമ തഹ്മിന്‍ ആലായന്റെ ഇംഗ്ലീഷ് കവിതാ സമാഹാരം ബ്ലെന്‍ഡ് മ്യൂസ് പ്രകാശനം പ്രൊഫ.ആരതി അശോക് പി.ടി.എ. പ്രസിഡന്റ് കെ.പി.അഷ്‌റഫിന് നല്‍കി നിര്‍വഹിച്ചു. എം.ഇ.എസ്. സ്റ്റേറ്റ് സിലബസ് സ്റ്റാന്‍ഡിങ് കമ്മിറ്റി ചെയര്‍മാന്‍ വി.യു.ഹംസക്കോയ മുഖ്യപ്രഭാഷണം നടത്തി. സ്‌കൂള്‍ ചെയര്‍മാന്‍ ഷെറിന്‍ അബ്ദുള്ള അധ്യക്ഷനായി. നഗരസഭാ കൗണ്‍സിലര്‍ ഷറഫുന്നിസ സൈദ്, പ്രിന്‍സിപ്പല്‍ എ.ഹബീബ്, സ്‌കൂള്‍ സെക്രട്ടറി കെ.പി.അക്ബര്‍, ട്രഷറര്‍ കീടത്ത് അബ്ദു,എം.പി.ടി.എ. പ്രസിഡന്റ് റബീഹ, പ്രധാന അധ്യാപിക കെ.ഐഷാബി, സി.ദീപ, അന്‍വര്‍ സാദത്ത് തുടങ്ങിയവര്‍ സംസാരിച്ചു.
