തിരുവനന്തപുരം: സ്കൂള് തുറക്കുന്നതിന് മുന്നോടിയായുള്ള കെട്ടിട, വാഹന ഫിറ്റ്നസ് സര്ട്ടിഫിക്കറ്റുകള് നല്കാന് ഉദ്യോഗസ്ഥര് കാലതാമസം വരുത്തരുതെന്ന് പൊതു വിദ്യാഭ്യാസവകുപ്പ് മന്ത്രി വി ശിവന്കുട്ടി. ജൂണ് 3 ന് സ്കൂള് തുറക്കുന്നതുമായി ബന്ധ പ്പെട്ട് മുഖ്യമന്ത്രിയുടെ അധ്യക്ഷതയില് യോഗം ചേര്ന്നിരുന്നു. ഈ യോഗത്തിന്റെ അടിസ്ഥാനത്തില് അടിയന്തിരമായി നടപടിയെടുക്കാന് വിവിധ വകുപ്പുകള്ക്ക് നിര്ദേശം നല്കിയിട്ടുണ്ട്. കുട്ടികളുടെ സുരക്ഷ പരമപ്രധാനമാണ്. കൃത്യമായ പരി ശോധനകള് അനിവാര്യമാണ്. എന്നാല് ഇക്കാര്യത്തില് കാലതാമസം തയ്യാറെടുപ്പിനെ പ്രതികൂലമായി ബാധിക്കും. ഇക്കാര്യം ഉദ്യോഗസ്ഥര് പ്രത്യേകം ശ്രദ്ധിക്കണമെന്നും മന്ത്രി വി ശിവന്കുട്ടി നിര്ദേശിച്ചു.