മണ്ണാര്‍ക്കാട് : തെങ്കര കോല്‍പ്പാടത്ത് കാലവര്‍ഷത്തില്‍ തകര്‍ന്ന റോഡിലെ മൂന്ന് കലുങ്കുകളും അരികുഭിത്തികളും പുനര്‍നിര്‍മിച്ചു. എം.എല്‍.എയുടെ ആസ്തി വികസന ഫണ്ടില്‍ നിന്നും 34 ലക്ഷം രൂപ ഇതിനായി വിനിയോഗിച്ചത്. കുണ്ടംതോടിന് കുറുകെ നിര്‍മാണം പൂര്‍ത്തിയായ കലുങ്കുകളും അരികുഭിത്തിയും എന്‍.ഷംസുദ്ദീന്‍ എം.എല്‍. എ സന്ദര്‍ശിച്ചു. വാര്‍ഡ് മെമ്പര്‍ അബ്ദുല്‍ റഷീദ്, ഹരിദാസന്‍, ടി.കെ ഫൈസല്‍, ടി.കെ ഹംസക്കുട്ടി, നൗഷാദ് ചേലഞ്ചേരി, കുരിക്കള്‍ സൈദ്, കമാല്‍, കബീര്‍, അഷ്‌റഫ്, ശിവദാസന്‍, അനില്‍ കുമാര്‍ തുടങ്ങിയവര്‍ എം.എല്‍.എയോടൊപ്പമുണ്ടായിരുന്നു.
