മണ്ണാര്‍ക്കാട് : മണ്ണാര്‍ക്കാട് വിദ്യാഭ്യാസ ജില്ലാ കരിയര്‍ ഗൈഡന്‍സ് ആന്‍ഡ് അഡോള സെന്റ് കൗണ്‍സിലിംങ് സെല്ലിന്റെ ആഭിമുഖ്യത്തില്‍ ഹയര്‍ സെക്കന്‍ഡറി വിദ്യാര്‍ ഥികള്‍ക്കായി എന്‍ട്രന്‍സ് പരീക്ഷ ഓറിയന്റേഷന്‍ ക്ലാസ് സംഘടിപ്പിച്ചു. കരിയര്‍ ഗൈഡും കോളമിസ്റ്റുമായ ഡോ.എസ്.രാജുകൃഷ്ണന്‍ ക്ലാസെടുത്തു. സി.ഇ.യു.ഇ.ടി, ജെ.ഇ. ഇ, നീറ്റ്, കീം, ഐ.പി. മാറ്റ്, ക്ലാറ്റ് തുടങ്ങിയ പ്രവേശന പരീക്ഷകള്‍, ഉപരിപഠനത്തിനുള്ള വിവിധ മേഖലകള്‍, ജോലി സാധ്യത, മത്സര പരീക്ഷകളില്‍ വിദ്യാര്‍ഥികള്‍ ശ്രദ്ധിക്കേ ണ്ട കാര്യങ്ങള്‍ എന്നിവയെ കുറിച്ച്് ക്ലാസില്‍ വിശദീകരിച്ചു. മണ്ണാര്‍ക്കാട് എ.എല്‍.പി. സ്‌കൂളില്‍ നടന്ന പരിപാടിയില്‍ വിദ്യാഭ്യാസ ജില്ലയിലെ ഹയര്‍ സെക്കന്‍ഡറി സ്‌കൂളു കളില്‍ നിന്നും രജിസ്റ്റര്‍ ചെയ്ത വിദ്യാര്‍ഥികള്‍, ഗൈഡുമാര്‍, രക്ഷിതാക്കള്‍ എന്നിവര്‍ പങ്കെടുത്തു. കരിയര്‍ ഗൈഡന്‍സ് ആന്‍ഡ് അഡോളസെന്റ് കൗണ്‍സിലിംഗ് സെല്‍ മണ്ണാര്‍ക്കാട് വിദ്യാഭ്യാസ ജില്ലാ കണ്‍വീനര്‍ സാംസണ്‍ സെബാസ്റ്റിയന്‍, കെ.എച്ച്. ഫഹദ്, അബ്ദുല്‍ റസാഖ് എന്നിവര്‍ നേതൃത്വം നല്‍കി.
