അലനല്ലൂര്‍ : എ.ഇ.ടി ഇംഗ്ലീഷ് മീഡിയം സ്‌കൂളില്‍ കരാട്ടെ പരിശീലിച്ച വിദ്യാര്‍ഥികള്‍ ക്കുള്ള ഗ്രേഡിങ് പരീക്ഷയും സര്‍ട്ടിഫിക്കറ്റ് വിതരണവും സ്‌കൂള്‍ ഓഡിറ്റോറിയത്തില്‍ നടന്നു. സ്‌കൂള്‍ സിലബസിനൊപ്പം ആയോധനകലകള്‍ കൂടി പരിശീലിപ്പിക്കുകയെന്ന ലക്ഷ്യത്തോടെയാണ് വിദ്യാര്‍ഥികളെ കരാട്ടെ പരിശീലിപ്പിച്ചത്. മണ്ണാര്‍ക്കാട് ബ്ലോക്ക് പഞ്ചായത്ത് പ്രസിഡന്റ് വി.പ്രീത ഉദ്ഘാടനം ചെയ്തു. സ്‌കൂള്‍ മാനേജര്‍ ബഷീര്‍ തെക്കന്‍ അധ്യക്ഷനായി. കോട്ടോപ്പാടം ഗ്രാമ പഞ്ചായത്ത് പ്രസിഡന്റ് അക്കര ജസീന മുഖ്യാതി ഥിയായിരുന്നു. കിടോജോ ഇറ്റാലിയ ഇന്ത്യ ബ്രാഞ്ചിന്റെ ഇന്ത്യന്‍ ചീഫ് ശിഹാന്‍ കെ.ജി ശിവജി ,സ്‌കൂള്‍ ചെയര്‍മാന്‍ ഇമ്പിച്ചി കോയ തങ്ങള്‍ , മാനേജ്‌മെന്റ് പ്രതിനിധി സയ്യിദ് ഷംസുദ്ധീന്‍ തങ്ങള്‍, പാലക്കാട് ജില്ലാ ചീഫ് സൈദലവി കോയ, പ്രിന്‍സിപ്പല്‍ മുഹമ്മദ് റോഷന്‍, പി.ടി.എ. വൈസ് പ്രസിഡന്റ് ഷീജ എന്നിവര്‍ പങ്കെടുത്തു. ചീഫ് ഇന്‍സ്ട്രക്ടര്‍ സെന്‍സി മുഹമ്മദ് റമീസ് നാലകത്ത് സ്വാഗതം പറഞ്ഞു. സെന്‍സി സച്ചിന്‍ ,സെന്‍സി കുഞ്ഞഹമ്മദ് ,എന്നിവര്‍ പരിശീലന ക്ലാസിന് നേതൃത്വം നല്‍കി.
