മണ്ണാര്‍ക്കാട്: സിനിമയെ സ്‌നേഹിക്കുന്ന മണ്ണാര്‍ക്കാട്ടുകാരുടെ കൂട്ടായ്മ ക്ലാപ്‌സ് മണ്ണാര്‍ ക്കാട് നിലവില്‍ വന്നു. ദേശീയ സിനിമ ദിനമായ ഒക്ടോബര്‍ 13ന് കൂട്ടായ്മയുടെ ഔദ്യോ ഗിക പ്രഖ്യാപനം നടന്നു. മണ്ണാര്‍ക്കാട്ടെ സിനിമ പ്രേമികള്‍ എന്ന പേരില്‍ തുടങ്ങിയ വാ ട്‌സ്ആപ്പ് ഗ്രൂപ്പ് ആണ് ക്ലാപ്‌സ് മണ്ണാര്‍ക്കാട് ആയി രൂപാന്തരപ്പെട്ടത്. ഗ്രൂപ്പ് അംഗങ്ങള്‍ നിര്‍ദേശിച്ച പേരുകളില്‍ നിന്നാണ് ക്ലാപ്‌സ് തിരഞ്ഞെടുത്തത്. മണ്ണാര്‍ക്കാടിന്റെ വിവി ധ ഭാഗങ്ങളില്‍ ഉള്ള സിനിമ പ്രേമികള്‍ക്ക് ഒത്ത് കൂടാനും, സിനിമയെ സംബന്ധിച്ചും, തിയ്യേറ്ററുകളെ സംബന്ധിച്ചും ചര്‍ച്ച ചെയ്യാനുമുള്ള ഇടമാണ് ഇതിലൂടെ സാധ്യമാകു ന്നത്. സിനിമ മേഖലയിലുള്ളവരേയും, സിനിമ മോഹമുള്ളവരേയും പ്രോത്സാഹിപ്പി ക്കുകയും, അവരുടെ കഴിവുകള്‍ പൊതുജനങ്ങള്‍ക്ക് മുന്നില്‍ പ്രകടിപ്പിക്കാനുള്ള വേ ദികള്‍ ഒരുക്കുക എന്നതുമാണ് കൂട്ടായ്മയുടെ ലക്ഷ്യം. ഷോര്‍ട്ട് ഫിലിം നിര്‍മ്മാണം, സി നിമയിലെ പ്രമുഖരെ ഉള്‍പ്പെടുത്തി ഡിബേറ്റ്, കഴിഞ്ഞ കാല സിനിമകളുടെ എക്‌സിബി ഷന്‍ തുടങ്ങിയവ ക്ലാപ്‌സ് മണ്ണാര്‍ക്കാടിലൂടെ പ്രതീക്ഷിക്കാമെന്ന് ഭാരവാഹികളായ അ ബ്ദുല്‍ ഹാദി അറയ്ക്കല്‍, ടി.എച്ച്. മുസ്തഫ, വി.സി. അര്‍ജുന്‍ എന്നിവര്‍ പറഞ്ഞു.
