മണ്ണാര്‍ക്കാട്: മണ്ണാര്‍ക്കാട് നിയോജക മണ്ഡലത്തിലെ വിദ്യാഭ്യാസ ശാക്തീകരണ പ്രവര്‍ ത്തനങ്ങള്‍ക്ക് കരുത്തേകുന്നതിനായി എന്‍.ഷംസുദ്ദീന്‍ എം.എല്‍.എ നടപ്പാക്കി വരുന്ന ഫ്‌ലെയിം സമഗ്ര വിദ്യാഭ്യാസ കര്‍മ്മ പദ്ധതിയുടെ ഭാഗമായി ഒക്ടോബര്‍ 12ന് ഫ്‌ലെ യിം എഡ്യു കോണ്‍ക്ലേവ് നടത്തും. വിദ്യാഭ്യാസ മേഖലയിലെ നൂതനാശയങ്ങളും ചിന്ത കളും പങ്കുവെക്കുന്നതിനും നിയോജകമണ്ഡലത്തിലെ മുഴുവന്‍ എന്‍.എം.എം.എസ്, യു.എസ്.എസ്,എല്‍.എസ്.എസ് സ്‌കോളര്‍ഷിപ് വിജയികളേയും വിവിധ പ്രവേശന പരീക്ഷകളിലെ റാങ്ക് ജേതാക്കളെയും അനുമോദിക്കുന്നതിനുമായി സംഘടിപ്പിക്കുന്ന എഡ്യു കോണ്‍ക്ലേവ് പ്രതിപക്ഷ നേതാവ് വി.ഡി.സതീശന്‍ ഉദ്ഘാടനം ചെയ്യും. പ്രമുഖ വ്യക്തിത്വങ്ങളും വിദ്യാഭ്യാസ വിചക്ഷണരും വിദ്യാര്‍ഥികളുമായി സംവദിക്കും. എസ്. എസ്.എല്‍.സി, ഹയര്‍ സെക്കന്‍ഡറി പരീക്ഷകളില്‍ നൂറു ശതമാനം വിജയം നേടിയ മണ്ഡലത്തിലെ മുഴുവന്‍ വിദ്യാലയങ്ങളേയും ആദരിക്കും.
പദ്ധതിയുടെ രണ്ടാംഘട്ട പ്രവര്‍ത്തനങ്ങളുടെ ഭാഗമായി സെന്‍ട്രല്‍ യൂണിവേഴ്‌സിറ്റി കോമണ്‍ എന്‍ട്രന്‍സ് ടെസ്റ്റ് (സി.യു.ഇ.ടി) ഓറിയന്റേഷന്‍, നാഷണല്‍ മീന്‍സ് കം മെറിറ്റ് സ്‌കോളര്‍ഷിപ്പ് (എന്‍.എം.എം.എസ്), പ്രൈം മിനിസ്റ്റര്‍ യശ്വസി യോജന സ്‌കോളര്‍ഷിപ് പരീക്ഷകള്‍ക്കുളള പരിശീലനം, യു.എസ്.എസ് ഓറിയന്റേഷന്‍ ക്ലാസ്, മാതൃകാ പരീ ക്ഷ തുടങ്ങിയവയും പത്താം ക്ലാസ് പരീക്ഷയില്‍ മണ്ഡലത്തിലെ മുഴുവന്‍ വിദ്യാല യങ്ങളിലും നൂറ് ശതമാനം കൈവരിക്കുന്നതിനുള്ള ഗൈഡന്‍സ് കോച്ചിങും നല്‍കും. മണ്ഡലത്തിലെ വിവിധ വിദ്യാലയങ്ങളില്‍ അടിസ്ഥാന സൗകര്യങ്ങള്‍ വര്‍ധിപ്പിക്കു ന്നതിനായി പുതിയ കെട്ടിടങ്ങള്‍, പാചകപ്പുര, ശുചിമുറി, സ്മാര്‍ട്ട് ക്ലാസ് റൂമുകള്‍, കമ്പ്യൂ ട്ടര്‍വല്‍ക്കരണം, സ്‌കൂള്‍ ബസുകള്‍ തുടങ്ങിയ വികസന പ്രവര്‍ത്തനങ്ങളും നടന്നു വരികയാണ്.
മുന്‍വര്‍ഷം ഫ്‌ലെയിം പദ്ധതിയിലൂടെ നല്‍കിയ പരിശീലനത്തിന്റെ ഭാഗമായി മണ്ഡ ലത്തിലെ എന്‍.എം.എം.എസ് സ്‌കോളര്‍ഷിപ്പ് വിജയികളുടെ എണ്ണം ഇരട്ടിയായി ഉയര്‍ ന്നിരുന്നു. നൂറിലധികം പേരാണ് എന്‍.എം.എം.എസ് ജേതാക്കളായത്. കേന്ദ്ര സര്‍വ്വകലാ ശാലകളിലേക്കുള്ള സി.യു.ഇ.ടി പരീക്ഷയിലും അമ്പതോളം വിദ്യാര്‍ഥികള്‍ യോഗ്യത നേടി. ആലോചനാ യോഗത്തില്‍ എന്‍. ഷംസുദ്ദീന്‍ എം.എല്‍.എ അധ്യക്ഷനായി. ഡോ. ടി.സൈനുല്‍ ആബിദ്, ഹമീദ് കൊമ്പത്ത്, സിദ്ദീഖ് പാറോക്കോട്, കെ.ജി.ബാബു, ടി.ബി നീഷ്, സലീം നാലകത്ത്, ഷമീര്‍ പഴേരി, മുനീര്‍ താളിയില്‍, ജോബ് ഐസക്, ഷമീര്‍ മണലടി, ജൗഹര്‍ തുടങ്ങിയവര്‍ പങ്കെടുത്തു.
