തെങ്കര: ഗ്രാമ പഞ്ചായത്ത് തെങ്കര ഗവ.ഹയര്‍ സെക്കന്‍ഡറി സ്‌കൂളിലും, ചേറുംകുളം എ.എല്‍.പി സ്‌കൂളിലും ടോയ്‌ലെറ്റ് കോംപ്ലക്‌സുകള്‍ നിര്‍മിച്ചു. ജനകീയാസൂത്രണം 2022-23 വാര്‍ഷത്തെ പദ്ധതിയില്‍ 12 ലക്ഷം രൂപ ചിലവഴിച്ചാണ് രണ്ട് സ്‌കൂളുകള്‍ ക്കുമായി ടോയ്‌ലെറ്റ് കോംപ്ലക്‌സ് നിര്‍മിച്ചു നല്‍കിയത്. ഗ്രാമ പഞ്ചായത്ത് പ്രസിഡന്റ് എ.ഷൗക്കത്തലി ഉദ്ഘാടനം ചെയ്തു. വികസനകാര്യ സ്ഥിരം സമിതി അധ്യക്ഷന്‍ ഉനൈസ് നെചിയോടന്‍ അധ്യക്ഷനായി. മെമ്പര്‍മാരായ അനിത, സന്ധ്യാ ഷിബു, പി. ടി.എ പ്രസിഡന്റ് രാധാ ഉണ്ണികൃഷ്ണന്‍, പ്രധാന അധ്യാപകരായ നിര്‍മ്മല ടീച്ചര്‍, ശാന്ത കുമാരി ടീച്ചര്‍, എസ്.എം.എസി ചെയര്‍മാന്‍ ശിവദാസന്‍ തുടങ്ങിയവര്‍ പങ്കെടുത്തു.
