മണ്ണാര്‍ക്കാട് : സംസ്ഥാന വിനോദസഞ്ചാര വകുപ്പ്, ജില്ലാ ഭരണകൂടം, ജില്ലാ ടൂറിസം പ്ര മോഷന്‍ കൗണ്‍സില്‍ എന്നിവ സംയുക്തമായി സംഘടിപ്പിക്കുന്ന ശ്രാവണപൊലിമ ഓണാഘോഷത്തിന് മാറ്റുകൂട്ടി ജില്ലയുടെ വിവിധയിടങ്ങളില്‍ കലാപരിപാടികള്‍ അരങ്ങേറി. രാപ്പാടി ഓപ്പണ്‍ എയര്‍ ഓഡിറ്റോറിയത്തില്‍ കൊച്ചിന്‍ പോപ്പിന്‍സ്-പ്രശസ്ത സിനിമാ/ടി.വി താരങ്ങളായ പ്രശാന്ത് കാഞ്ഞിരമറ്റം, ബൈജു ജോസ് എന്നിവരുടെ മ്യൂ സിക്കല്‍ കോമഡി ഹങ്കാമയും മലമ്പുഴ ഉദ്യാനത്തില്‍ മണ്ണൂര്‍ ചന്ദ്രനും സംഘവും അത രിപ്പിച്ച പൊറാട്ടുകളിയും മിന്ത്യ ക്രിയേഷന്‍സിന്റെ മെഗാഷോയും നടന്നു. പോത്തു ണ്ടി ഉദ്യാനത്തില്‍ അട്ടപ്പാടി ആസാദി കലാ സംഘത്തിന്റെ ഗോത്ര സംഗീതവും നൃ ത്തവും സാരംഗി ഓര്‍ക്കസ്ട്രയുടെ ഗാനമേളയും ഓണാഘോഷ പരിപാടികള്‍ക്ക് നിറ പകിട്ടേകി. നിരവധി ആസ്വാദകര്‍ പരിപാടികള്‍ വീക്ഷിക്കാനെത്തി.നാളെ രാപ്പാടി ഓപ്പണ്‍ എയര്‍ ഓഡിറ്റോറിയം, വെള്ളിയാങ്കല്ല് പൈതൃക പാര്‍ക്ക്, ശ്രീകൃഷ്ണപുരം ബാ പ്പുജി ചില്‍ഡ്രന്‍സ് പാര്‍ക്ക്, മലമ്പുഴ ഉദ്യാനം, പോത്തുണ്ടി ഉദ്യാനം, കാഞ്ഞിരപ്പുഴ ഉദ്യാ നം എന്നിവിടങ്ങളില്‍ പരിപാടികള്‍ നടക്കും.
