കോട്ടോപ്പാടം: ലോകമുലയൂട്ടല്‍ വാരാചരണത്തോടനുബന്ധിച്ച് കോട്ടോപ്പാടം പഞ്ചായ ത്ത്, സാമൂഹ്യ നീതി, ആരോഗ്യ വകുപ്പുകള്‍ സംയുക്തമായി അമ്മമാര്‍ക്കായി ബോധവ ല്‍ക്കരണ ക്ലാസ് നടത്തി. പാറയില്‍കുളമ്പ് അംഗനവാടിയില്‍ നടന്ന ക്ലാസ് ക്ഷേമകാര്യ സ്ഥിരം സമിതി അധ്യക്ഷന്‍ പാറയില്‍ മുഹമ്മദാലി ഉദ്ഘാടനം ചെയ്തു. മണ്ണാര്‍ക്കാട് സി.ഡി.പി.ഒ സി.വി.ഓമന അധ്യക്ഷയായി. ജെ.പി.എച്ച്.എന്‍ നിഷ.പി.നായര്‍, പി.പ്രീതി ക എന്നിവര്‍ ക്ലാസ്സെടുത്തു. മുന്‍ മെമ്പര്‍ കെ.റജീന, അംഗനവാടി ടീച്ചര്‍മാരായ വി. സുബൈദ, എന്‍.മുബീന, ആശാ പ്രവര്‍ത്തക കെ.സുജാത എന്നിവര്‍ സംസാരിച്ചു. ക്വിസ് പരിപാടിയും, ചാര്‍ട്ട് പേപ്പര്‍ പ്രദര്‍ശനവും നടന്നു. ഐ.സി.ഡി.എസ് സൂപ്പര്‍വൈസര്‍ കെ.രാധിക സ്വാഗതവും പി.സുബൈദ നന്ദിയും പറഞ്ഞു.
