അലനല്ലൂര്‍: കല്‍പ്പകഞ്ചേരി ആനപ്പടിക്കല്‍ ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ എടത്തനാട്ടുകര ഏരിയയിലെ തണല്‍ ഫോസ്റ്റര്‍ കെയറില്‍ ഉള്‍പ്പെട്ട കുടുംബാംഗങ്ങ ള്‍ക്ക് ഈദ് പുടവയും പ്രത്യേക ഭക്ഷ്യകിറ്റും വിതരണം ചെയ്തു. എടത്തനാട്ടുകര സലഫി സെന്ററില്‍ നടന്ന വിതരണോദ്ഘാടനം അലനല്ലൂര്‍ പഞ്ചായത്ത് സ്ഥിരം സമിതി അ ധ്യക്ഷന്‍ മഠത്തൊടി അലി നിര്‍വ്വഹിച്ചു. തണല്‍ കല്‍പ്പകഞ്ചേരി അഡ്മിനിസ്‌ട്രേറ്റര്‍ മൂസ സ്വലാഹി അധ്യക്ഷനായി. എഞ്ചിനീയര്‍ അക്ബറലി പാറോക്കോട്ട്, കെ.എന്‍.എം മണ്ഡലം വൈസ് പ്രസിഡന്റ് പാറോക്കോട്ട് മമ്മി ഹാജി, മണ്ഡലം ക്ഷേമകാര്യ വകുപ്പ് കണ്‍വീനര്‍ കാപ്പില്‍ നാസര്‍, വളണ്ടിയര്‍മാരായ ഞറളന്‍ ഹംസ, മാടമ്പാറ ഷറഫുദ്ധീന്‍, ടി.ഉണ്ണീന്‍കുട്ടി, ഉസ്മാന്‍കുട്ടി പാലക്കാഴി, കുറുക്കന്‍ മുഹമ്മദാലി, പോത്തുകാടന്‍ ഉമ്മര്‍, മുഹമ്മദലി ഇരിങ്ങല്‍ത്തൊടി എന്നിവര്‍ നേതൃത്വം നല്‍കി.തണല്‍ എടത്തനാട്ടുകര കോര്‍ഡിനേറ്റര്‍ പി.പി സുബൈര്‍ മാസ്റ്റര്‍ സ്വാഗതവും അസി. കോര്‍ഡിനേറ്റര്‍ യൂസഫ് ഹാജി നന്ദിയും പറഞ്ഞു.
