മണ്ണാര്‍ക്കാട്: തെങ്കരയില്‍ നീര്‍ത്തടങ്ങളും കൃഷിഭൂമിയും മണ്ണിട്ട് നികത്തുന്നതിനെ തിരെ സി.പി.ഐ തെങ്കര ലോക്കല്‍ കമ്മിറ്റി വില്ലേജ് ഓഫിസിലേക്ക് മാര്‍ച്ച് നടത്തി. ലോക്കല്‍ സെക്രട്ടറി ഭാസ്‌കരന്‍ മുണ്ടക്കണ്ണി ഉദ്ഘാടനം ചെയ്തു. മണ്ഡലം കമ്മിറ്റി അംഗം അറുമുഖന്‍ അധ്യക്ഷനായി. എ.ഐ.വൈ.എഫ് സംസ്ഥാന കമ്മിറ്റി അംഗം സുരേഷ് കൈതച്ചിറ, കിസാന്‍ സഭ നേതാവ് സുകുമാരന്‍, എ.ഐ.വൈഎഫ് മേഖല സെക്രട്ടറി സി.എച്ച് ഷനൂപ്, പ്രസിഡന്റ് ആബിദ് കൈതച്ചിറ, മോഹന്‍ദാസ്, കുമാരന്‍, രമേഷ് പറക്കോട്ടില്‍ തുടങ്ങിയവര്‍ സംസാരിച്ചു. ലോക്കല്‍ അസിസ്റ്റന്റ് സെക്രട്ടറി കൃഷ്ണകുമാര്‍ സ്വാഗതവും ലോക്കല്‍ കമ്മിറ്റി അംഗ ഭരത് നന്ദിയും പറഞ്ഞു.
