കോട്ടോപ്പാടം: കേരള വെറ്ററിനറി ആന്‍ഡ് അനിമല്‍സ് സര്‍വകലാശാലയുടെ തിരു വിഴാംകുന്ന് ക്യാമ്പസിലെ വിവിധ പദ്ധതികളുടെ പ്രവര്‍ത്തന ഉദ്ഘാടനം എന്‍ ഷംസുദ്ദീന്‍ എം.എല്‍എ നിര്‍വ്വഹിച്ചു. എം.എല്‍.എ ഫണ്ട് വിനിയോഗിച്ച് കോളജിന് മുന്നിലും കാന്റീന്‍ പരിസരത്തും നിര്‍മിച്ച ഹൈമാസ്റ്റ് ലൈറ്റുകള്‍, ഗോബര്‍ധന്‍ പദ്ധതിയില്‍ കോട്ടോപ്പാടം പഞ്ചായത്തിന്റെ സഹകരണത്തോടെ ഐ.ആര്‍.ടി.സി നിര്‍മിച്ച ബയോഗ്യാസ് പ്ലാന്റ്, ആര്‍.കെ.വി.വൈ പദ്ധതിയില്‍ നിര്‍മിച്ച പൗള്‍ട്രി പ്ലാന്റ് എന്നിവയാണ് എം.എല്‍.എ ഉദ്ഘാടനം ചെയ്തത്. ഗ്രാമ പഞ്ചായത്ത് പ്രസിഡന്റ് ജസീന അക്കര അധ്യക്ഷയായി. സര്‍വകലാശാല വൈസ് ചാന്‍സിലര്‍ ഡോ. എം. ആര്‍ ശശീ ന്ദ്രനാഥ് മുഖ്യാഥിതിയായിരുന്നു. സര്‍വകലാശാല രജിസ്ട്രാര്‍ ഡോ.സുധീര്‍ ബാബു, കോളേജ് സ്‌പെഷ്യല്‍ ഓഫീസര്‍ ഡോ. ഹരികൃഷ്ണന്‍ എസ് , കന്നുകാലി ഗവേഷണ കേന്ദ്രം മേധാവി ഡോ. എ. പ്രസാദ്, ഗ്രാമ പഞ്ചായത്ത് ആസൂത്രണ സമിതി വൈസ് ചെയര്‍മാന്‍ കല്ലടി അബൂബക്കര്‍, ബ്ലോക്ക് പഞ്ചായത്ത് അംഗം വി.മണികണ്ഠന്‍, ഗ്രാമ പഞ്ചായത്ത് അംഗം ഒ. ഇര്‍ഷാദ് എന്നിവര്‍ പങ്കെടുത്തു.
