മണ്ണാര്‍ക്കാട്: കല്ല്യാണക്കാപ്പ് ബീരാന്‍ ഔലിയ ബാലിക മെമ്മോറിയല്‍ ഇസ്ലാമിക കോംപ്ലക്‌സ് യതീംഖാന അഗതി മന്ദിരത്തിലെ ഒരു അന്തേവാസി കൂടി വിവാഹി തയായി.മേലാറ്റൂര്‍ വെസ്റ്റ് എടപ്പറ്റ അരിപ്പുറവന്‍ വീട്ടില്‍ അബൂ സ്വാലിഹിന്റെ മകള്‍ ഷാനിദയും കല്ല്യാണക്കാപ്പ് കൂത്ത്മൂച്ചിക്കല്‍ വീട്ടില്‍ അസീസിന്റെ മകന്‍ മുഹമ്മദ് അസറുദ്ധീനും തമ്മിലുള്ള വിവാഹം ഇന്നലെ ഉച്ചക്ക് 12മണിക്ക് കല്ല്യാണക്കാപ്പ് യതീംഖാന ഓഡിറ്റോറിയത്തില്‍ നടന്നു.പാണക്കാട് സാബിക്കലി ശിഹാബ് തങ്ങള്‍ നിക്കാഹിന് കാര്‍മ്മികത്വം വഹിച്ചു.ചടങ്ങ് അഡ്വ.എന്‍ ഷംസുദ്ദീന്‍ എംഎല്‍എ ഉദ്ഘാടനം ചെയ്തു.കെടിഡിസി ചെയര്‍മാനും മുന്‍ എംഎല്‍എയുമായ പി കെ ശശി മുഖ്യാതിഥിയായിരുന്നു.സമസ്ത ജംഇയ്യത്തുല്‍ ഉലമ മണ്ണാര്‍ക്കാട് താലൂക്ക് ജനറല്‍ സെക്രട്ടറി കെ സി അബൂബക്കര്‍ ദാരിമി അധ്യക്ഷനായി.കുമരംപുത്തൂര്‍ ഗ്രാമ പഞ്ചായത്ത് പ്രസിഡന്റ് കെ കെ ലക്ഷ്മിക്കുട്ടി,മണ്ണാര്‍ക്കാട് ഡിവൈഎസ്പി വി എ കൃഷ്ണദാസ്,കുമരംപുത്തൂര്‍ വില്ലേജ് ഓഫീസര്‍ പി ജെ വിനോദ്,കെ ജിഷാദ്,യൂസുഫ് അന്‍സാര്‍ ഫൈസി,ഇബ്രാഹിം അന്‍വരി,സൈതലവി കോട്ടോപ്പാടം തുടങ്ങിയവര്‍ സംസാരിച്ചു.ട്രസ്റ്റ് ചെയര്‍മാന്‍ ഫക്രുദ്ദീന്‍ ഉസ്താദ് പ്രാര്‍ത്ഥന നടത്തി.ഹബീബ് ഫൈസി കോട്ടോപ്പാടം സ്വാഗതവും നൗഷാദ് ഫൈസി മണ്ണാര്‍ക്കാട് നന്ദിയും പറഞ്ഞു.
