മണ്ണാര്‍ക്കാട്: വിയ്യക്കുര്‍ശ്ശിയിലെ വെജിറ്റബില്‍ ആന്റ് ഫ്രൂട്ട് പ്രമോഷന്‍ കൗണ്‍സില്‍ സ്വാശ്രയ സമിതി കെട്ടിടത്തില്‍ യുവാവ് അതിക്രമിച്ച് കയറി നാശനഷ്ടം വരുത്തിയതാ യി പരാതി.അധികൃതരുടെ പരാതിയില്‍ മണ്ണാര്‍ക്കാട് പൊലീസ് കേസെടുത്തു. സംഭവ വുമായി ബന്ധപ്പെട്ട് വിയ്യക്കുര്‍ശ്ശി വടക്കേമുണ്ട വീട്ടില്‍ മുഹമ്മദ് അനസി(23)നെ അറസ്റ്റ് ചെയ്തു.ബുധനാഴ്ച പുലര്‍ച്ചെഒരു മണിയോടെയായിരുന്നു സംഭവം. പത്രവിതരണത്തിനെ ത്തിയ ആള്‍ കെട്ടിടത്തിന്റെ വാതില്‍ തകര്‍ത്ത നിലയില്‍ കണ്ടതോടെ ജീവനക്കാരെ വിവരമറിയിക്കുകയായിരുന്നു.ഇവരെത്തിയപ്പോള്‍ യുവാവ് മുറിയിലിരിക്കുകയായി രുന്നുവെന്നും പിന്നീട് പൊലീസെത്തി കസ്റ്റഡിയിലെടുക്കുകയുമായിരുന്നുവെന്നാണ് വിവരം.ഓഫീസ് വാതില്‍ തകര്‍ക്കുകയും അലമാരയിലുള്ള ഫയലുകള്‍ നിലത്തിടു കയും ചെയ്ത നിലയിലായിരുന്നു.ടൈലുകളും ടോയ്‌ലെറ്റിലെ ഫ്‌ളഷും കേടുവരുത്തി. രണ്ട് അലമാരകളും നശിപ്പിച്ച നിലയിലാണ്.കെഎസ്ഇബിയുടെ വയറും പൊട്ടിച്ചിട്ടുണ്ട്. അതിക്രമത്തിന്റെ പിന്നിലെ കാരണം വ്യക്തമായിട്ടില്ല.ഒരു ലക്ഷം രൂപയുടെ നഷ്ടം കണക്കാക്കുന്നതായി സമിതി പ്രസിഡന്റ് കെ രാമചന്ദ്രന്‍ നല്‍കിയ പരാതിയില്‍ പറയുന്നു.
