മണ്ണാര്‍ക്കാട് : പൂരത്തിന് സമാപനം കുറിച്ച് നടക്കുന്ന ചെട്ടിവേലയില്‍ അണി നിരക്കുന്ന ദേശവേല കമ്മിറ്റിക്കാര്‍ക്ക് സന്തോഷ വാര്‍ത്തയുമായി മണ്ണാര്‍ക്കാട് പൊലീസ്.മികച്ച ദേശവേലക്ക് 5000 രൂപയും ട്രോഫിയും സമ്മാനം നല്‍കുമെന്ന് മണ്ണാര്‍ക്കാട് പൊലീസ് സ്റ്റേഷന്‍ എസ് എച്ച് ഒ അറിയിച്ചു.വേല വളരെ അച്ചടക്കത്തോടെയും കൃത്യസമയം പാ ലിച്ചും ക്ഷേത്രത്തിലെത്തണം.വേലയില്‍ അണിനിരക്കുന്ന കലാരൂപങ്ങള്‍, വാദ്യഘോ ഷങ്ങള്‍ എന്നിവയെല്ലാം കണക്കിലെടുത്താണ് പൊലീസ് അവാര്‍ഡ് നല്‍കുന്ന ത്.പൂര ചരിത്രത്തില്‍ ഇതാദ്യമായാണ് പൊലീസിന്റെ ഭാഗത്ത് നിന്നും ഇത്തരമൊരു ഉദ്യമം. ചെട്ടിവേല സമാപനത്തിന് ശേഷം ക്ഷേത്രാങ്കണത്തില്‍ വെച്ച് മികച്ച ദേശവേലക്ക് അവാര്‍ഡ് സമ്മാനിക്കുമെന്ന് മണ്ണാര്‍ക്കാട് പൊലീസ് സ്റ്റേഷന്‍ എസ്എച്ച്ഒ അറിയിച്ചു.
