അഗളി: അട്ടപ്പാടിയില്‍ കല്ലു കൊണ്ട് തലയ്ക്ക് ഇടിയേറ്റ് ആദിവാസി യുവാവ് മരിച്ചു. കോട്ടത്തറയ്ക്ക് സമീപം വീട്ടിക്കുണ്ട് ഊരിലെ ശിവന്‍ (54) ആണ് മരിച്ചത്.ബുധന്‍ വൈകീട്ട് നാലോടെയായിരുന്നു സംഭവം.ഇതുമായി ബന്ധപ്പെട്ട് ശിവകുമാര്‍ (24)നെ പൊലീസ് പിടികൂടി.മദ്യപിച്ചുണ്ടായ തര്‍ക്കത്തിനിടെയാണ് ബന്ധു കൂടിയായ ശിവ കുമാര്‍ ശിവനെ കല്ല് കൊണ്ട് ഇടിച്ചതത്രേ.ശിവകുമാറിന്റെ വീട്ടില്‍ അമ്മ നടത്തുന്ന പെട്ടിക്കടയില്‍ എത്തിയതായിരുന്നു.മദ്യലഹരിയില്‍ ആയിരുന്ന ഇരുവരും തമ്മില്‍ വാക്കേറ്റത്തിനിടെയാണ് ആക്രമണമുണ്ടായത്.അടിയേറ്റ ശിവന്‍ സംഭവ സ്ഥലത്ത് തന്നെ മരിച്ചു.ഇതിന് ശേഷം വനത്തിലേക്ക് രക്ഷപ്പെട്ട ശിവകുമാറിനെ നാട്ടുകാര്‍ നല്‍കിയ വിവരമനുസരിച്ച് കോട്ടത്തറയില്‍ നിന്നും ഷോളയൂര്‍ പോലീസ് പിടികൂ ടുകയായിരുന്നു.ശിവകുമാറിന്റെ ഭാര്യാ സഹോദരിയുടെ മകനാണ് മരിച്ച ശിവന്‍.