മണ്ണാര്‍ക്കാട്: ഏഴ് ദിവസമായി അരയങ്കോട് യൂണിറ്റി സ്‌കൂളില്‍ വെച്ച് നടന്ന തെങ്കര ഗവ.ഹയര്‍ സെക്കണ്ടറി സ്‌കൂള്‍ എന്‍.എസ്.എസ് അവധിക്കാല ക്യാമ്പ് വെളിച്ചം-22 സമാപിച്ചു. ‘വെളിച്ചത്തിനെന്തിനു വെളിച്ചം ‘എന്ന പ്രമേയത്തില്‍ നടന്ന ക്യാമ്പിന്റെ ഭാഗമായി വിവിധ സന്നദ്ധ പ്രവര്‍ത്തനങ്ങളും പരിശീലന ക്ലാസുകളും നടത്തി. പ്രദേ ശത്തെ വീടുകളില്‍ പച്ചക്കറി വിത്ത് നടീല്‍, പ്ലാസ്റ്റിക് സംസ്‌കരണം, നൈപുണ്യ പരി ശീലനം തുടങ്ങിയവക്കും എന്‍ എസ്. എസ് വോളണ്ടിയര്‍മാര്‍ നേതൃത്വം നല്‍കി.
ക്യാമ്പിന്റെ സമാപനം ജില്ലാ പഞ്ചായത്ത് മെമ്പര്‍ ഗഫൂര്‍ കോല്‍കളത്തില്‍ ഉദ്ഘാടനം ചെയ്തു.നഗരസഭ കൗണ്‍സിലര്‍ ഖദീജ അസീസ് അധ്യക്ഷനായി.പി.ടി. എ പ്രസിഡണ്ട് ഉനൈസ് നെചിയോടന്‍,പ്രിന്‍സിപ്പല്‍ രത്‌നവല്ലി ടീച്ചര്‍,പ്രോഗ്രാം ഓഫീസര്‍ രജനി ടീ ച്ചര്‍,ശിവരാജന്‍,എസ്.ഷൈലജ,റസിയ ടീച്ചര്‍,ശോഭന കുമാരി,വി.വിനോദ്,അന്‍വര്‍ അലി ,ഖദീജത്തില്‍ നൗഷിജ എന്നിവര്‍ സംസാരിച്ചു.
