തച്ചനാട്ടുകര: സ്വപ്‌ന സൗഹൃദമെന്ന പേരില്‍ കരിങ്കല്ലത്താണി ഫാത്തിമ മെമ്മോറി യല്‍ ഹൈസ്‌കൂളില്‍ നടന്ന പൂര്‍വ്വ വിദ്യാര്‍ത്ഥി സംഗമം ശ്രദ്ധേയമായി.1999-2000 കാല ത്ത് എസ്എസ്എല്‍സി പൂര്‍ത്തീകരിച്ച വിദ്യാര്‍ത്ഥികളുടെ കൂട്ടായ്മയായ 2K ഡ്രീംസി ന്റെ നേതൃത്വത്തിലാണ് സ്‌കൂളിലെ പഴയ പത്താം ക്ലാസ്സുകാര്‍ ഒത്ത് ചേര്‍ന്നത്.രണ്ട് പതിറ്റാണ്ടുകള്‍ക്ക് ശേഷം ഇതാദ്യമായിരുന്നു സഹപാഠികളുടെ സംഗമം.
മുന്‍ പ്രധാന അധ്യാപകന്‍ രാമന്‍കുട്ടി മാസ്റ്റര്‍ ഉദ്ഘാടനം ചെയ്തു.അസ്‌കര്‍ അലി അധ്യ ക്ഷനായി.2Kഡ്രീംസ് ലോഗോ പ്രകാശനം സ്‌കൂള്‍ പ്രധാന അധ്യാപകന്‍ ബിജു പോള്‍ മാസ്റ്റര്‍ നിര്‍വ്വഹിച്ചു.ബാച്ചിലെ വിദ്യാര്‍ത്ഥികളായിരുന്ന പാലക്കാട് ജില്ലാ വിമന്‍സ് വെല്‍ഫെയര്‍ ഓഫീസര്‍ ഹമീദ ജലീസ,ബോപ്പാല്‍ എന്‍ഐടിയില്‍ നിന്നും ഫിസിക്‌ സില്‍ പിഎച്ച്ഡി നേടിയ ഷഫീഖ് പൂവ്വത്താണി എന്നിവരെ ആദരിച്ചു. കൂട്ടാ യ്മയുടെ രൂപീകരണത്തിന് തുടക്കമിട്ട സജ്‌ന,അസ്മ പൊന്നേത്ത് എന്നിവര്‍ക്ക് ഉപഹാരം നല്‍കി.
കൂട്ടായ്മയുടെ പത്തിന പ്രവര്‍ത്തന പദ്ധതി ജനറല്‍ സെക്രട്ടറി അഫ്‌സല്‍ വിശദീകരിച്ചു. പ്രസിഡന്റ് റസാഖ്,മധു മാസ്റ്റര്‍, മോഹന്‍ മാസ്റ്റര്‍,ജയശ്രീ ടീച്ചര്‍,ശ്രീലേഖ ടീച്ചര്‍,പ്രിന്‍സി ടീച്ചര്‍,സുധീര്‍ഖാന്‍ കോളശ്ശേരി,ഫൈസല്‍ പുത്തൂര്‍,ഹസീന,സുനീറ എന്നിവര്‍ സംസാ രിച്ചു.
