അഗളി: അട്ടപ്പാടിയില്‍ ആശുപത്രിയില്‍ വെച്ച് ആദിവാസി യുവതി യെ പീഡിപ്പിക്കാന്‍ ശ്രമിച്ചെന്ന പരാതിയില്‍ യുവാവ് അറസ്റ്റില്‍. താ വളം സ്വദേശി ചന്ദ്രനെ (44)യാണ് അഗളി പൊലീസ് അറസ്റ്റ് ചെയ്തത്. ചൊവ്വാഴ്ച പുലര്‍ച്ചെ കോട്ടത്തറ ട്രൈബല്‍ ആശുപത്രി നിരീക്ഷണ മുറിയില്‍ വെച്ചായിരുന്നു സംഭവം.ബൈക്ക് അപകടത്തില്‍ പരി ക്കേറ്റെന്ന് പറഞ്ഞാണ് ചന്ദ്രന്‍ ആശുപത്രിയില്‍ ചികിത്സ തേടിയത്. ഡ്യൂട്ടി ഡോക്ടര്‍ പരിശോധിച്ചെങ്കിലും പരിക്കുകള്‍ കാണാത്തതിനെ തുടര്‍ന്ന് മറ്റ് പ്രശ്‌നങ്ങളുണ്ടാകുമോയെന്ന് പരിശോധിക്കാനായി ഇ യാളെ നിരീക്ഷണ മുറിയില്‍ കിടത്തുകയായിരുന്നു.യുവതിയുടെ ബഹളം കേട്ടെത്തിയ ആശുപത്രി ജീവനക്കാരാണ് വിവരം അഗളി പൊലിസില്‍ അറിയിച്ചത്.
