മണ്ണാര്‍ക്കാട് : സീറത്തുന്നബി അക്കാദമിക്ക് കോണ്‍ഫറന്‍സ് വര്‍ക് ഷോപ്പും മീലാദ് ക്യാമ്പയിന്‍ ‘ഇഷ്ഖംബര്‍’ പ്രഖ്യാപനവും കരിമ്പ ദാറുല്‍ ഹസനാത്ത് അക്കാദമിയില്‍ നടന്നു. ഷാജഹാന്‍ സഖാഫി ഉള്ളാള്‍ ക്യാമ്പയിന്‍ പ്രഖ്യാപനം നിര്‍വഹിച്ചു. ക്യാമ്പയിനിന്റെ ഭാഗമായി റബീഉല്‍ അവ്വല്‍ ഒന്നു മുതല്‍ 30 വരെ വിവിധ പരിപാടി കള്‍ നടക്കും. എസ് എസ് എഫ് സംസ്ഥാന ഫിനാന്‍സ് സെക്രട്ടറി ജാബിര്‍ സഖാഫി മപ്പാട്ടുകര ഉദ്ഘാടനം ചെയ്തു. നാസിഹ് ബുഖാരി അധ്യക്ഷത വഹിച്ചു. ഡോ.അലി മുഹമ്മദ് കമ്പ വിഷയാവതരണം നടത്തി. മൊയ്ദീന്‍ കുട്ടി ബാഖവി കൊണ്ടോട്ടി,ഷനൂബ് ഹുസൈന്‍ ബുഖാരി കരിമ്പ,അര്‍ഷദ് സഖാഫി എന്നിവര്‍ സംസാരിച്ചു.
