അലനല്ലൂർ: എടത്തനാട്ടുകര ഗവ.ഓറിയന്റൽ ഹൈസ്കൂളിലെ ലി റ്റിൽ കൈറ്റസ് വിദ്യാർത്ഥികൾ വിദ്യാകിരണം പദ്ധതിയിലൂടെ സ്കൂളിൽ ഗോത്രവർഗ വിദ്യാർത്ഥികൾക്ക് ലഭിച്ച ലാപ്ടോപ്പുകൾ ഉപയോഗിക്കാനുള്ള പരിശീലനം നൽകി. 14 വിദ്യാർത്ഥികൾക്കാണ് വിദ്യാകിരണം പദ്ധതിയിലൂടെ ലാപ്‌ ടോപ്പുകൾ വിതരണം ചെയ്തത്. പ്രധാനാധ്യാപകൻ സി.സക്കീർ ഹുസൈൻ പരിശീലനം ഉദ്ഘാടനം ചെയ്തു. ലിറ്റിൽ കൈറ്റ്സ് അധ്യാപകരായ എ.സുനിത, എം.ജിജേഷ് എന്നിവർ പ്രസംഗിച്ചു. കെ.ഷഫ്ന ഷെറിൻ, കെ.സന നാസർ, കെ. ഫിദ, ടി.കെ ആദിൽ, എം.ഹാഫിസ് മുഹമ്മദ്‌, വി.സക്കീർ ബാബു, എം.നിഹാൽ,എം.അൻസാർ ബാബു എന്നിവർ പരിശീലനത്തിന്‌ നേതൃത്വം നൽകി.
