മാലിക് ഫെയിം ഹിദ മോള്‍ ഏറ്റുവാങ്ങി
മണ്ണാര്‍ക്കാട്: സഹജീവികളോടുള്ള കരുതല്‍ കുരുന്നു കരങ്ങളിലേ ക്കും ഏല്‍പ്പിച്ച സേവ് മണ്ണാര്‍ക്കാടിന്റെ കരുതല്‍ നാണയനിധി പദ്ധതിയുടെ ആദ്യ കളക്ഷന്‍ ഏറ്റുവാങ്ങല്‍ ചടങ്ങ് മാലിക് ഫെയിം സിനിമാ പിന്നണി ഗായിക ഹിദ മോള്‍ ഉദ്ഘാടനം ചെയ്തു.കരുതല്‍ നാണയ നിധി കോ ഓര്‍ഡിനേറ്റര്‍ അബു റജ ഫിദമോള്‍ക്ക് ഉപഹാരം സമ്മാനിച്ചു.
കുരുന്നു മനസ്സുകളില്‍ സഹജീവി സ്‌നേഹവും ദയയും കാരുണ്യ വും വളര്‍ത്തിയെടുക്കുക ലക്ഷ്യമിട്ടാണ് സേവ് മണ്ണാര്‍ക്കാട് ജനകീ യ കൂട്ടായ്മയുടെ സാന്ത്വനം കമ്മിറ്റി കരുതല്‍ നാണയ നിധി പദ്ധതി ക്ക് തുടക്കമിട്ടിരിക്കുന്നത്.പദ്ധതിയുടെ ആദ്യഘട്ടത്തില്‍ 115 കുട്ടി കള്‍ 12,000ലധികം രൂപയാണ് സമാഹരിച്ചു.മുപ്പതിലധികം അശര ണരായ രോഗികള്‍ക്ക് മരുന്ന് വാങ്ങി എത്തിച്ചു നല്‍കുകയും ചെയ്തി ട്ടുണ്ട്.
മണ്ണാര്‍ക്കാട് റൂറല്‍ ബാങ്ക് സെക്രട്ടറി എം പുരുഷോത്തമന്‍ മുഖ്യാതി ഥിയായിരുന്നു.സേവ് മണ്ണാര്‍ക്കാട് ചെയര്‍മാന്‍ ഫിറോസ് ബാബു അധ്യക്ഷനായി.വൈസ് ചെയര്‍മാന്‍ അബ്ദുല്‍ ഹാദി,അസ്ലം അച്ചു, എം കൃഷ്ണകുമാര്‍,ഷഹീര്‍ എന്നിവര്‍ സംസാരിച്ചു.സേവ് സാന്ത്വനം കണ്‍വീനര്‍ നഷീദ് പിലാക്കല്‍ സ്വാഗതവും അസി.കണ്‍വീനര്‍ ഷബീന യു നന്ദിയും പറഞ്ഞു.
