മണ്ണാര്‍ക്കാട്: ഓര്‍ഡര്‍ ചെയ്ത ഭക്ഷണം കാറിലേക്ക് എത്തിച്ചുനല്‍കാത്തതിന് ഹോട്ടലു ടമയേയും തൊഴിലാളിയേയും മര്‍ദിച്ചുവെന്ന് പരാതി. കടയ്ക്കും നാശനഷ്ടംവരുത്തി. സംഭവത്തില്‍ ആറുപേര്‍ക്കെതിരെ നാട്ടുകല്‍ പൊലിസ് കേസെടുത്തു. കഴിഞ്ഞ ദിവസം രാത്രി നാട്ടുകല്‍ പൊലിസ് സ്റ്റേഷന്‍ പരിധിയിലെ 53-ാം മൈല്‍ ഭാഗത്താണ് സംഭവം. റോഡരികില്‍ കഫേ നടത്തുന്ന സല്‍ജല്‍ (29)നാണ് യുവാക്കളുടെ മര്‍ദനമേറ്റ ത്. രാത്രി 9.30ഓടെ കാറിലെത്തിയ യുവാക്കള്‍ ഭക്ഷണം ഓര്‍ഡര്‍ചെയ്യുകയും പുറത്തു നിര്‍ത്തിയ കാറിലേക്ക് എത്തിച്ചുനല്‍കാന്‍ ആവശ്യപ്പെടുകയുമായിരുന്നു. ഇതിനു സമ്മതിക്കാതിരുന്നതോടെ യുവാക്കള്‍ സല്‍ജലിനെതിരെ തട്ടികയറുകയും മര്‍ദിക്കു കയുമായിരുന്നുവെന്ന് പൊലിസ് പറയുന്നു. തടയാന്‍ശ്രമിച്ച തൊഴിലാളിയ്ക്കും മര്‍ദന മേറ്റു. കൂടാതെ കടയിലെ ഫര്‍ണീച്ചറുകളും ഗ്ലാസുകളും മറ്റും തകര്‍ക്കുകയും ചെയ്ത ശേഷമാണ് സംഘം മടങ്ങിയത്. 50,000 രൂപയുടെ നാശനഷ്ടമുണ്ടായതായി പരാതിയില്‍ പറയുന്നു. യുവാക്കള്‍ക്കായി അന്വേഷണം ഊര്‍ജിതമാക്കിയിട്ടുണ്ടെന്ന് നാട്ടുകല്‍ സബ് ഇന്‍സ്പെക്ടര്‍ അറിയിച്ചു.
