മണ്ണാര്‍ക്കാട് : ദേശീയപാതയില്‍ നൊട്ടമല വിയ്യക്കുറുശ്ശിക്കടുത്ത് വച്ച് ബൈക്കിടിച്ച് ഗുരുതരമായി പരിക്കേറ്റ് ചികിത്സയിലായിരുന്ന വയോധികന്‍മരിച്ചു. നൊട്ടമ്മല സ്വദേശി കൈപ്പുള്ളിത്തൊടി സൈദലവി (73) ആണ് മരിച്ചത്. കഴിഞ്ഞ തിങ്കളാഴ്ച വൈകിട്ട് 5.30നാണ് റോഡ് മുറിച്ച് കടക്കുന്നതിനിടെ സൈദലവിയെ ബൈക്ക് ഇടിച്ചുവീഴ്ത്തിയത്.തുടര്‍ന്ന് ബൈക്ക് നിര്‍ത്താതെ പോവുകയും ചെയ്തു. പരിക്കേറ്റ ഇയാളെ നാട്ടുകാര്‍ ചേര്‍ന്ന് താലൂക്ക് ആശുപത്രിയില്‍ പ്രവേശിപ്പിക്കുകയും പിന്നീട് വിദഗ്ദ്ധ ചികിത്സക്കായി ഇവിടെ നിന്നും മാറ്റുകയുമായിരുന്നു. കോഴിക്കോട് മെഡി ക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്നതിനിടെ ഇന്ന് രാവിലെ യോടെയാണ് മരിച്ചത്. ഭാര്യ: ഫാത്തിമ. മക്കളില്ല.