അലനല്ലൂര്‍ : മുണ്ടക്കുന്ന് എ.എല്‍.പി. സ്‌കൂളിലെ ഒന്ന് മുതല്‍ നാലാം ക്ലാസ് വരെയുള്ള വിദ്യാര്‍ഥികള്‍ക്കായി ചാംപ്യന്‍സ് എം.ഡി.കെ. എന്ന പേരില്‍ കരാട്ടെ പരിശീലനം തുടങ്ങി. ആദ്യഘട്ടത്തില്‍ 60 പേരാണ് പങ്കെടുക്കുന്നത്. കുട്ടികളില്‍ ആത്മവിശ്വാസം വളര്‍ത്തുക, പെണ്‍കുട്ടികള്‍ക്ക് പ്രതിസന്ധിഘട്ടങ്ങളില്‍ സ്വയരക്ഷയ്ക്ക് പ്രാപ്തി നല്‍ കുക, ആരോഗ്യ സംരക്ഷണം തുടങ്ങിയ ലക്ഷ്യത്തോടെയാണ് എല്ലാ തിങ്കളാഴ്ചകളിലും വൈകിട്ട് ആയോധനകലയില്‍ പരിശീലനം നല്‍കുന്നത്. ഗായത്രി, ഫര്‍ഷാന, ഐശ്വര്യ എന്നിവരാണ് ക്ലാസിന് നേതൃത്വം നല്‍കുന്നത്. പ്രധാന അധ്യാപകന്‍ പി.യൂസഫ് പരിശീ ലന ക്ലാസ് ഉദ്ഘാടനം ചെയ്തു. പി.ടി.എ. പ്രസിഡന്റ് ഷമീര്‍ തോണിക്കര അധ്യക്ഷനായി. സ്റ്റാഫ് സെക്രട്ടറി പി.ഹംസ, എസ്.ആര്‍.ജി. കണ്‍വീനര്‍ പി.ജിതേഷ്, സീനിയര്‍ അസിസ്റ്റ ന്റ് ഒ.ബിന്ദു, പി.ടി.എ. വൈസ് പ്രസിഡന്റ് രത്‌നവല്ലി, കമ്മിറ്റി അംഗങ്ങളായ റുക്‌സാന, നജ്മുന്നീസ, ജംഷീന, ബുഷ്‌റ തുടങ്ങിയവര്‍ സംബന്ധിച്ചു.
