അഗളി : അട്ടപ്പാടിയില്‍ പുഴയില്‍ കുടുങ്ങിയ കാര്‍ അഗ്നിരക്ഷാ സേന വഴിവെട്ടിയൊ രുക്കി കരയ്ക്കു കയറ്റി. ഷോളയൂര്‍ കൂടപ്പെട്ടി പുഴയിലാണ് കാര്‍ കുടുങ്ങിയത്. ഇന്ന് പുലര്‍ച്ചെ മൂന്നേ മൂക്കാലോടെയായിരുന്നു സംഭവം. അട്ടപ്പാടി വഴി തമിഴ്‌നാട്ടിലേക്ക് പോവുകയായിരുന്ന കാര്‍ പുഴ മുറിച്ച് കടക്കാന്‍ ശ്രമിക്കുന്നതിനിടെയാണ് അപകടം പിണഞ്ഞത്. ഇതോടെയാണ് കാറിലുണ്ടായിരുന്നവര്‍ അഗ്നിരക്ഷാ സേനയുടെ സഹായം തേടിയത്. പട്ടാമ്പി സ്വദേശിയുടേതാണ് കാര്‍. ആളപായമില്ല. സീനിയര്‍ ഫയര്‍ ആന്‍ഡ് റെസ്‌ക്യു ഓഫിസര്‍ കെ.സജിത് മോന്‍, ഫയര്‍ ആന്‍ഡ് റെസ്‌ക്യു ഓഫിസര്‍മാരായ എം. മഹേഷ്, ടിജോ തോമസ്, ഷോബിന്‍ദാസ്, സുഭാഷ്, രാഖില്‍ എന്നിവര്‍ ചേര്‍ന്നാണ് വഴിവെട്ടിയൈാരുക്കി കാറിനെ കരയ്കക് കയറ്റിയത്.
