അലനല്ലൂര്‍: ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ സിവില്‍ സര്‍വീസ് പരിശീലനം ആരംഭിച്ചു.എക്‌സല്‍ റൈസ് എന്ന പദ്ധതിയുടെ ഉദ്ഘാടനം പരിശീലകന്‍ മന്‍സൂര്‍ അലി കാപ്പുങ്ങല്‍ നിര്‍വ്വഹിച്ചു.അഞ്ചാം ക്ലാസ് മുതല്‍ നടപ്പിലാക്കുന്ന പദ്ധതി യില്‍ വിദ്യാര്‍ഥികള്‍ക്ക് ഏഴ് വര്‍ഷം നീണ്ട് നില്‍ക്കുന്ന പരിശീലനം ലഭിക്കും.പി.ടി.എ പ്രസിഡന്റ് വി.അബ്ദുള്‍ സലീം അധ്യക്ഷനായി.കോ ഓര്‍ഡിനേറ്റര്‍ ഫിറോസ് മാസ്റ്റര്‍ പദ്ധതി വിശദീകരണം നടത്തി. പി.ടി.എ അംഗങ്ങളായ റഷീദ് ആലായന്‍, സുരേഷ് കുമാര്‍ എന്നിവര്‍ പങ്കെടുത്തു.പ്രധാന അധ്യാപകന്‍ ദാമോദരന്‍ മാസ്റ്റര്‍ സ്വാഗതവും സ്റ്റാഫ് സെക്രട്ടറി മനാഫ് നന്ദിയും പറഞ്ഞു.
