മണ്ണാര്‍ക്കാട്: തീറ്റപ്പുല്‍കൃഷി പ്രവൃത്തിയിലേര്‍പ്പെട്ടിരുന്ന തൊഴിലുറപ്പ് തൊഴിലാ ളികള്‍ക്ക് നേരെ തേനീച്ചയുടെ ആക്രമണം.പത്തോളം പേര്‍ക്ക് പരിക്കേറ്റു.ഷൈലജ(47), സത്യഭാമ(47), കുറുംബ(63), മാധവി(55), ശാന്ത(57), ചാമി(70), മാധവന്‍(70), ശാന്ത (57), പാ ഞ്ചാലി എന്നിവര്‍ക്കാണ് പരിക്കേറ്റത്.ആരുടെയും പരിക്ക് സാരമുള്ളതല്ല.ഇന്ന് രാവിലെ പത്ത് മണിയോടെ പയ്യനെടം ക്ഷേത്രത്തിന് സമീപത്തെ പറമ്പില്‍ വെച്ചാണ് തൊഴിലാ ളികള്‍ക്ക് തേനീച്ചയുടെ കുത്തേറ്റത്.ആക്രമണമുണ്ടായതോടെ തൊഴിലാളികള്‍ ഓടി രക്ഷപ്പെടുകയായിരുന്നു.പറമ്പില്‍ മേയുകയായിരുന്ന പശുക്കുട്ടിക്കും തേനീച്ചയുടെ കുത്തേറ്റതായി തൊഴിലാളികള്‍ പറയുന്നു.പരിക്കേറ്റ തൊഴിലാളികള്‍ പള്ളിക്കുന്ന് പ്രാഥമിക ആരോഗ്യ കേന്ദ്രത്തിലും താലൂക്ക് ആശുപത്രിയിലും ചികിത്സ തേടി.
