പാലക്കാട് : കാട്ടില് നിന്നും നാട്ടിലിറങ്ങി മനുഷ്യരുടെ ജീവനും സ്വത്തിനും നാശം വരുത്തുന്ന വന്യമൃഗങ്ങളെ നിയന്ത്രിക്കാന് എ. പ്രഭാകരന് എംഎല്എയുടെ നേതൃത്വ ത്തില് പാലക്കാട് ഡിവിഷന് ഫോറസ്റ്റ് ഓഫീസില് യോഗം ചേര്ന്നു. ഫെന്സിങ് സ്ഥാ പിക്കല്, അടിക്കാടുകള് വെട്ടുക, കുളങ്ങള് നിര്മ്മിക്കല്, തേനീച്ചക്കൂട് നിര്മ്മിക്കുക തുടങ്ങിയ വിവിധങ്ങളായ പദ്ധതികള് വഴി വന്യമൃഗങ്ങളെ തടയാനുള്ള മാര്ഗങ്ങള് നടപ്പിലാക്കാന് യോഗത്തില് തീരുമാനിച്ചു. ‘വന്യജീവി സൗഹൃദ’ പദ്ധതിയില് ഉള്പ്പെ ടുത്തി ഫണ്ട് വകയിരുത്താനാണ് മലമ്പുഴ നിയോജകമണ്ഡലത്തിലെ എട്ട് ഗ്രാമപഞ്ചാ യത്തുകളും തീരുമാനിച്ചിരിക്കുന്നത്. ഫോറസ്റ്റ് ഉദ്യോഗസ്ഥരുടെ നേതൃത്വത്തില് ഗ്രാമ പഞ്ചായത്തുകളില് പോയി മാസ്റ്റര് പ്ലാന് തയ്യാറാക്കും. ഡിവിഷണല് ഫോറസ്റ്റ് ഓഫീസ ര് ജോസഫ് തോമസിന്റെ അധ്യക്ഷതയില് ചേര്ന്ന യോഗത്തില് വാളയാര് റേഞ്ച് ഓഫീസര് മുഹമ്മദലി ജിന്ന, ഒലവക്കോട് റെയിഞ്ച് ഓഫീസര് ഇമ്രോസ്, മലമ്പുഴ, മരുത റോഡ്, മുണ്ടൂര്, പുതുശ്ശേരി, അകത്തേത്തറ, എലപ്പുള്ളി ഗ്രാമപഞ്ചായത്ത് പ്രസിഡന്റു മാരായ രാധികാമാധവന്, പി. ഉണ്ണികൃഷ്ണന്, എം.വി സജിത, എന്. പ്രസീത, സുനിത അനന്തകൃഷ്ണന്, രേവതി ബാബു, പുതുപ്പരിയാരം ഗ്രാമപഞ്ചായത്ത് വൈസ് പ്രസിഡന്റ് ഉണ്ണികൃഷ്ണന് തുടങ്ങിയവര് പങ്കെടുത്തു.
About the Author
