മണ്ണാര്‍ക്കാട് : ആശ്വാസകിരണം പദ്ധതിയുടെ നടത്തിപ്പിനായി 17.64 കോടി രൂപ റിലീസ് ചെയ്യാന്‍ അനുമതി നല്‍കി ഉത്തരവായതായി ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആര്‍ ബിന്ദു പറഞ്ഞു. തുക അര്‍ഹരായ ഗുണഭോക്താക്കളുടെ ബാങ്ക് അക്കൗണ്ടു കളില്‍ എത്തിക്കാന്‍ അടിയന്തിര നടപടി സ്വീകരിച്ചിട്ടുണ്ടെന്നും മന്ത്രി പറഞ്ഞു. മുഴു വന്‍ സമയ പരിചാരകന്റെ സേവനം ആവശ്യമായ വിധം കിടപ്പിലായ രോഗികളെയും മാനസിക – ശാരീരിക വെല്ലുവിളി നേരിടുന്നവരെയും ഗുരുതര രോഗമുള്ളവരെയും പരിചരിക്കുന്നവര്‍ക്ക് സര്‍ക്കാര്‍ നല്‍കുന്ന പ്രതിമാസ ധനസഹായ പദ്ധതിയാണ് ആ ശ്വാസകിരണം.പദ്ധതിയുടെ നടത്തിപ്പിനായുള്ള 2024-25 സാമ്പത്തികവര്‍ഷത്തെ ബജറ്റ് വിഹിതത്തില്‍ ചെലവഴിക്കാന്‍ ഭരണാനുമതി ലഭിച്ച 37.64 കോടി രൂപയില്‍ ഇരുപതു കോടി രൂപ രണ്ടു ഗഡുക്കളായി റിലീസ് ചെയ്തിരുന്നു. ബാക്കി തുകയാണ് ഇപ്പോള്‍ റിലീസ് ചെയ്യാന്‍ അനുമതി ആയിരിക്കുന്നതെന്ന് മന്ത്രി അറിയിച്ചു.
