എടത്തനാട്ടുകര: കെ.എൻ.എം. പാലക്കാട് ജില്ലാ മദ്റസ സർഗ്ഗമേള നാളെ എടത്തനാ ട്ടുകര തടിയംപറമ്പ് ശറഫുൽ മുസ്‌ലിമീൻ അറബിക് കോളേജിൽ വെച്ച് നടക്കും. പഠന പ്രവർത്തനങ്ങൾക്ക് പുറമേ പ്രസംഗം, ഗാനാലാപനം, സംവാദം, രചന, നേതൃപാടവം, സംഘാടനം തുടങ്ങിയ മദ്റസ വിദ്യാർത്ഥികളുടെ സർഗാത്മക കഴിവുകൾ കണ്ടെത്തി സമൂഹത്തിനും നാടിനും ഉപകരിക്കുന്ന നിലയിൽ വളർത്തിക്കൊണ്ടു വരുന്നതിൽ വലിയ പങ്കാണ് സർഗ്ഗമേളകൾ നിർവഹിച്ചുകൊണ്ടിരിക്കുന്നത്. കെ. എൻ. എം. സം സ്ഥാന വിദ്യാഭ്യാസ ബോർഡിന് കീഴിലുള്ള ജില്ലയിലെ ഒറ്റപ്പാലം, പട്ടാമ്പി, എടത്തനാ ട്ടുകര നോർത്ത്, മണ്ണാർക്കാട്, പാലക്കാട്, എടത്തനാട്ടുകര സൗത്ത് എന്നീ മണ്ഡലങ്ങ ളിലെ വിവിധ മദ്റസകളിൽ നിന്നുമായി സബ് ജൂനിയർ, ജൂനിയർ, സീനിയർ (ആൺ), സീനിയർ (പെൺ) കാറ്റഗറികളിൽ 58 ഇനങ്ങളിലായി 7 വേദികളിൽ സ്റ്റേജ്, ഓഫ് സ്റ്റേജ് ഇനങ്ങളിലായി 400 ഓളം പ്രതിഭകൾ പങ്കെടുക്കും. പാലക്കാട് ജില്ലാ മദ്റസ സർഗ്ഗമേള യുടെ ഉദ്ഘാടനം കെ എൻ എം സംസ്ഥാന വൈസ് പ്രസിഡണ്ട് പി. പി. ഉണ്ണീൻകുട്ടി മൗലവി നിർവഹിക്കും. പാലക്കാട് ജില്ലാ മദ്റസ സർഗ്ഗമേള സ്വാഗതസംഘം ചെയർമാൻ കാപ്പിൽ മൂസ ഹാജി അധ്യക്ഷത വഹിക്കും. മണ്ണാർക്കാട് എംഎൽഎ അഡ്വക്കേറ്റ് എൻ. ഷംസുദ്ദീൻ മുഖ്യാതിഥിയായിരിക്കും. അലനല്ലൂർ ഗ്രാമപഞ്ചായത്ത് പ്രസിഡണ്ട് സജ്ന സത്താർ അവാർഡ് ദാനം നിർവഹിക്കും. കേരള ജംഇയ്യത്തുൽ ഉലമ സംസ്ഥാന ട്രഷറർ ഈസ മദനി, പഞ്ചായത്തംഗം ലൈല ഷാജഹാൻ, പാലക്കാട് ജില്ലാ മദ്റസ സർഗ്ഗമേള കൺവീനർ പി. പി. സുബൈർ മാസ്റ്റർ, പ്രോഗ്രാം ചെയർമാൻ മുഹമ്മദലി മിശ്കാത്തി, ഐ.എസ്.എം. പാലക്കാട് ജില്ലാ സെക്രട്ടറി വി. സി. ഷൗക്കത്തലി, എം. എസ്. എം. പാലക്കാട് ജില്ലാ സെക്രട്ടറി സബാഹ് നിഷാദ്, എം. ജി. എം. പാലക്കാട് ജില്ലാ സെക്രട്ടറി കുഞ്ഞിമ്മ ടീച്ചർ, എന്നിവർ സംസാരിക്കും.
തുടർന്ന് ഏഴ് വേദികളിലായി മത്സരങ്ങൾ നടക്കും. ഓരോ മത്സരങ്ങളുടെയും വിധി നിർണയത്തിനുശേഷം പ്രത്യേകം സജ്ജമാക്കിയ ട്രോഫി കോർണറിൽ വച്ച് അവാർഡ് വിതരണം നടത്തും. സമാപന സമ്മേളനം കെ. എൻ.എം. പാലക്കാട് ജില്ലാ പ്രസിഡണ്ട് എൻ.എ.എം. ഇസഹാഖ് മൗലവി ഉദ്ഘാടനം ചെയ്യും. കെ. എൻ.എം. എടത്തനാട്ടുകര സൗത്ത് മണ്ഡലം സെക്രട്ടറി ഇ.അബ്ദുറഹിമാൻ മാസ്റ്റർ അധ്യക്ഷത വഹിക്കും. കെ. എൻ.എം. മദ്റസ വിദ്യാഭ്യാസ ബോർഡ് മെമ്പറും മുഫത്തിശുമായ ഉസ്മാൻ മിശ്കാത്തി അവാർഡ് ദാനം നിർവഹിക്കും. എസ്. എം. എ. കോളേജ് പ്രിൻസിപ്പാൾ മുസ്തഫ മാസ്റ്റർ, പ്രോഗ്രാം കൺവീനർ പി. അബ്ദുറഊഫ് സ്വലാഹി, കെ. എൻ.എം. എടത്തനാട്ടുകര സൗത്ത് മണ്ഡലം മദ്റസ കോംപ്ലക്സ് പ്രസിഡണ്ട് ഇസ്ഹാഖ് സ്വലാഹി എന്നിവർ സംസാരിക്കും.
പത്രസമ്മേളനത്തിൽ കെ. എൻ. എം. പാലക്കാട് ജില്ലാ മദ്റസ സർഗമേള കൺവീനർ പി.പി. സുബൈർ മാസ്റ്റർ, വർക്കിംഗ് ചെയർമാൻ ഉസ്മാൻ മിശ്കാത്തി, പ്രോഗ്രാം ചെയർ മാൻ മുഹമ്മദാലി മിശ്കാത്തി, പ്രോഗ്രാം കൺവീനർ പി. അബ്ദുറഊഫ് സ്വലാഹി, കെ എൻ എം എടത്തനാട്ടുകര നോർത്ത് മണ്ഡലം മദ്റസ കോംപ്ലക്സ് പ്രസിഡണ്ട് അമീർ സലാഹി, സെക്രട്ടറി ഫജാസ് സ്വലാഹി, കെ. എൻ. എം. എടത്തനാട്ടുകര സൗത്ത് മണ്ഡലം മദ്റസ കോംപ്ലക്സ് പ്രസിഡണ്ട് ഇസ്ഹാഖ് സ്വലാഹി, സെക്രട്ടറി ഫസീഹ് റഹ്‌മാൻ, സബ് കമ്മിറ്റി കൺവീനർ അക്ബർ സ്വലാഹി ജില്ലാ സർഗ്ഗമേള പബ്ലിസിറ്റി കൺവീനർ വി. സി. ഷൗക്കത്തലി എന്നിവർ പങ്കെടുത്തു.
